ПСЖ капитаны Маркиньос Баварияға қарсы матчтағы төрешіге шағымданды
“ПСЖ” капитаны Маркиньос Чемпиондар лигасының жалпы кезеңінің 5-ші турында 1:0 есебімен аяқталған “Баварияға” қарсы ойындағы төрешілердің жұмысына көңілі толмайтынын білдірді. Бұл туралы ол Canal+ арнасына берген сұхбатында айтты.
“Гол болған жағдайда мен төрешіден не болып жатқанын сұрадым, себебі ойыншы қақпашыға тосқауыл қойды. Ол допқа ойнаған жоқ, мұндай жағдайларда қақпашы ештеңе істей алмайды. Допты алып қоюға тырыстық, бірақ қолымыздан келмеді. Былтыр Дортмундта төреші бізге кедергі келтірсе, биыл да сол оқиға қайталанды. Біз төреші туралы айтқанды ұнатпаймыз, бірақ бүгін ол бізге тым қатал болды. Кез келген күмәнді жағдай “Баварияның” пайдасына шешіле берді”, - деді бразилиялық.
Француз клубы турнирдің жалпы кезеңінде 5 ойыннан кейін 36 команда ішінде 26-шы орында тұр. Команданың турнирлік кестедегі орны өзгермейтін болса, еурокубоктан ұшып кетуі мүмкін.
Футбол
Бүгін 13:24
