Георгий Черданцев: "Ол журналист құрылысқа барып жұмыс істесін"
“Матч ТВ” комментаторы Георгий Черданцев Қазақстан құрамасының бас бапкері Станислав Черчесовқа қатысты тіл мәселесіне байланысты шыққан дау туралы пікір білдірді.
Сұрақ қойған адам орыс тілін біледі. Ол неге қол жеткізгісі келді? 61 жастағы тәжірибелі маманнан шет тілін үйренуді талап етпек пе?
Манчиниге де, мүмкін, араб тілінде сұрақтар қойылады, бірақ оларды аударып береді. Егер сен журналист болсаң, ең болмағанда ағылшын тілін білуің керек. Әйтпесе сен бұл салада не істеп жүрсің? Бұл журналистика емес, таза арандатушылық. Ол журналист құрылысқа барып жұмыс істесін.
Бұған дейін Қазақстан мен Словения құрамалары арасындағы Ұлттар лигасы матчынан кейін өткен баспасөз мәслихатында Станислав Черчесов орынсыз әзіл айтып, кейіннен Футбол федерациясы бапкерге айыппұл салған болатын.
