Елімай ойыншысы өз трансфері мен Қазақстан құрамасының 2026 жылғы ӘЧ іріктеудегі мүмкіндіктері туралы айтты
Жартылай қорғаушы Абылайхан Назымханов Sport+ арнасына берген сұхбатында "Елімайға" көшуі, жастар құрамасының өнері туралы айтып, Қазақстан ұлттық құрамасының 2026 жылғы әлем чемпионатына іріктеу кезеңіндегі мүмкіндіктерін бағалады.
– Абылайхан, "Елімайға" көшуіңіз туралы толығырақ айтыңыз. Ұсыныс қалай түсті?
– Ұсыныс әдеттегідей маусым аяқталған соң келді – клуб өкілдері менімен байланысып, өз қызығушылықтарын білдірді.
– "Шахтер" командасындағы екі әріптесіңіз – Цуприков пен Тюлюбай да сізбен бірге Семейге көшті. Осы трансфер туралы бірге талқыладыңыздар ма?
– Мен қайда кім баратынын білмедім, бірақ ресми ақпарат шыққан соң, әрине, бұл жайында жігіттермен сөйлестік.
– Андрэй Карповичпен көшу туралы сөйлестіңіздер ме? Ол сізді "Елімайда" қандай позицияда көреді?
– Иә, Андрей Владимировичпен жалпы әңгіме болды, бірақ менің ойын позициям туралы әңгіме болған жоқ.
– "Елімайдан" басқа қазақстандық клубтардан қызығушылық болды ма?
– Иә, ұсыныстар болды, бірақ мен өзім Семей клубында ойнауды шештім.
– Сіз жастар құрамасы сапында 10 ойынның 9-ын өткіздіңіз. Әсіресе Испания мен Шотландияға қарсы ойындар есте қалды. Команда әрі қарай жақсы нәтиже көрсете алар ма еді?
– Халықаралық матчтар – бұл үлкен тәжірибе, әсіресе Испания, Бельгия, Шотландия сияқты ұлы командаларға қарсы ойнағанда. Мұндай ойындарда жылдамдықтар мен динамика мүлде басқа, сондықтан оларға тез бейімделу қажет. Мүмкін, бізге жиі жолдастық кездесулердің болмауы салдарынан ресми ойындарда қиындау болған шығар.
– Жастар құрамасындағы бірнеше ойыншы Бельгия мен Испания чемпионаттарынан ұсыныстар алды. Сізге шетелдік клубтардан қызығушылық болды ма?
– Менің өзіме нақты ұсыныстар болған жоқ, бірақ шетелдік чемпионаттардан шақырту алған жігіттер үшін өте қуаныштымын. Жалпы, жастар құрамасында дарынды және болашағынан үміт күттіретін ойыншылар көп.
– Қазақстан 2026 жылғы әлем чемпионатының іріктеу кезеңінде Бельгия, Солтүстік Македония, Уэльс және Лихтенштейнмен бір топқа түсті. Топтың құрамын қалай бағалайсыз және команда үшін алдағы ойындардың нәтижесі туралы не ойлайсыз?
– Менің ойымша, Еуро-2024 іріктеу кезеңіндегі топпен салыстырғанда бұл топ Қазақстан құрамасына әбден лайықты. Бізге жұмыс істеу қажет, және бар күш-жігерімізді салып, жақсы нәтиже көрсетуіміз керек.
Байланысты командалар мен лигалар
Футбол
Бүгін 02:53
ММА
Бүгін 00:55