Андрей Мартин Ордабасымен келісімшартқа отыру үшін Шымкентке келеді

Футбол Бүгін 13:07

Нұрбақыт Қадырбаев

sports24 сарапшы

Шымкенттік “Ордабасыны” 50 жастағы молдавиялық маман Андрей Мартин басқарады, ол шымкенттік клубпен Чемпиондар лигасының іріктеу кезеңінің бірінші кезеңінде “Петроклубқа” қарсы ойында кездескен болатын.

Тотальный клуб KZ телеграм каналының хабарлауынша, Андрей Мартин клубпен келісімшартқа отыру үшін ағымдағы жылдың 21 желтоқсанында Шымкентке келеді.

“Ордабасы” Қазақстан Премьер-лигасының 2024 жылғы маусымын 24 ойында 42 ұпай жинап, 4-ші орында аяқтады. Шымкенттіктер үздік үштікті түйіндеген “Ақтөбеден” бір ұпайға қалып қойды.

Естеріңізге сала кетейік, Мартин бұған дейін қазақстандық клубтың қызығушылығын жоққа шығарған болатын.

Байланысты командалар мен лигалар

Ордабасы Шымкент

Қазақстан Премьер-Лигасы