Жәнібек Әлімханұлы Канелоны жекпе - жекке шақырды

Бокс Кеше 23:00

Асылхан Тоқсанбек

sports24 сарапшы

Орта салмақта WBO және IBF тұжырымдары бойынша әлем чемпионы Жәнібек Әлімханұлы мексикалық бокс жұлдызы Сауль "Канело" Альвареспен жекпе-жек өткізгісі келетінін айтты. "Канело" өзінен бір салмақ жоғары санатта үш титулдың иегері болып табылады.

"Менің ойымша, тек "Канелоның" менімен рингке шығуға батылы жетеді! "Канело", ақпан айында жұдырықтасайық! Менің дивизионымдағы чемпиондар менен қашып жүр. Әлемге нағыз боксты көрсететін уақыт келді!", — деп жазды Жәнібек Альвареске Х әлеуметтік желісі арқылы.

Бұған дейін Жәнібектің WBO нұсқасы бойынша міндетті қарсыласы, жеңіліс көрмеген британдық Хамза Ширазбен өтетін кездесуі қарсыласының бас тарту себебінен жүзеге аспай қалғаны хабарланған. Сонымен қатар, "Қазақ стилі" WBC чемпионы доминикандық Карлос Адамеске де жекпе-жекке шығу туралы ұсыныс жасаған болатын.