Жазира Орақбаева жартылай финалда сүрінді
Қазақстандық боксшы Жазира Орақбаева Таиландтың Чиангмай қаласында өтіп жатқан Азия чемпионаты-2024 турнирін қола медальмен аяқтады. 52 кг салмақ дәрежесіндегі жартылай финалда ол өзбекстандық Феруза Қазақовамен кездесті және төрешілердің бірауызды шешімімен жеңіліс тапты. Осылайша, Қазақова финалға шығып, ал Орақбаева үшінші орынды еншіледі.
Бүгін тағы бір қазақстандық спортшы, 48 кг салмақта өнер көрсеткен Айгерім Сәттібаева да финалға өте алмады. Ол өзбекстандық боксшы Фарзона Фозиловаға жол берді.
Еске салсақ, Азия чемпионаты-2022-нің қола жүлдегері Жазира Орақбаева биылғы турнирдегі жолын ширек финалдан бастаған болатын. Ол тайваньдық спортшы Луо Ю-Тинге қарсы кездесуде бірінші раундта техникалық нокаутпен жеңіске жетті. Ал Феруза Қазақова ширек финалда моңғолиялық Мунгунсаран Балсанды 5:0 есебімен жеңген еді.
Қазақстандық боксшы Айгерім Саттыбаева Азия чемпионатының қола жүлдегері атанды.
Теннис
Кеше 22:36