Усик Фьюриге қарсы реванш жайлы: “Мен адамдардың 15 жылдан кейін Эр-Риядта Тайсон Фьюриді екі мәрте жеңгенімді мақтанышпен еске алғанын қалаймын”

Бокс Бүгін 01:42

Аружан Темірбек

sports24 сарапшы

Ауыр салмақтағы әлем чемпионы Александр Усик Тайсон Фьюримен өтетін екінші жекпе-жек алдындағы мотивациясын ерекше атап өтті.

“Бұл мен үшін ғана емес, елім үшін де, мені және Тайсонды үлгі тұтатын жас ұрпақ үшін де үлкен мүмкіндік. Бұл — тарих! Мен адамдардың 15 жылдан кейін Эр-Риядта Тайсон Фьюриді екі мәрте жеңгенімді мақтанышпен еске алғанын қалаймын”, — деп бөлісті украиналық чемпион.

Айта кетейік, Усик (22-0-0) пен Фьюри (34-1-1) арасындағы тарихи реванш 21 желтоқсаннан 22 желтоқсанға қараған түні Сауд Арабиясының Эр-Рияд қаласында өтеді. Бұл кеште Усик WBA, WBC, WBO, IBO және The Ring чемпиондық белбеулерін қорғайды. Бірінші жекпе-жекте, биыл мамыр айында, Усик төрешілердің шешімімен жеңіске жетіп, өз атағын тағы бір мәрте дәлелдеген болатын.

Тайсон Фьюри Усикке қарсы жекпе-жек жайлы: "Мен мұны тек ақша үшін істеп жатырмын, бұл баршаға түсінікті".