Теміртас Жүсіпов 2024 жылғы Қазақстан чемпионатының ширек финалына жолдама алды

Бокс Бүгін 04:59

Марлен Аманов

sports24 сарапшы

Қазақстандық боксшы Теміртас Жүсіпов Қарағандыда өтіп жатқан 2024 жылғы Қазақстан чемпионатында сәтті өнер көрсете бастады.

48 келіге дейінгі салмақ дәрежесіндегі 1/8 финалында Ақмола облысының намысын қорғаушы Жүсіпов Алматыдан келген Рамазан Рузибаймен кездесті. Жүсіпов жекпе-жекті сенімді өткізді: қарсыласын бірінші және екінші раундтарда нокдаунға жіберді. Төрешілер кездесуді тоқтатып, Теміртасқа техникалық нокаутпен жеңіс берді.

Айта кетейік, Жүсіповтің жетістіктері айтарлықтай мол. Ол 2021 жылы әлем чемпионы атанып, екі мәрте Азия чемпионатында алтын медаль жеңіп алған. Сонымен қатар, бірнеше рет ел чемпионатын ұтқан. 2015 жылы "Astana Arlans" командасының құрамында WSB турнирінде жеңімпаз болған.

Осылайша, Теміртас фаворит мәртебесін тағы бір рет дәлелдеп, жарыстың келесі кезеңіне жолдама алды.

Төрехан Сабырханның ересектер рингіндегі жеңісті дебюті.