Тайсон Фьюри Усикке қарсы жекпе-жек жайлы: "Мен мұны тек ақша үшін істеп жатырмын, бұл баршаға түсінікті"

Бокс Бүгін 01:33

Аружан Темірбек

sports24 сарапшы

Ауыр салмақтағы бұрынғы әлем чемпионы Тайсон Фьюри әлем чемпионы Александр Усикпен өтетін екінші жекпе-жек алдындағы мотивациясы туралы өз ойымен бөлісті.

“Мен үшін ең маңыздысы — отбасым мен балаларым. Бұл жекпе-жек менің ұрпақтарыма қамқорлық жасауға мүмкіндік беретін үлкен қаржы табу үшін қажет. Мен мұны тек ақша үшін істеп жатырмын, бұл баршаға түсінікті. Шындықты айтсақ, барлық кәсіпқой боксшылар ақшадан басқа ештеңе үшін жұдырықтаспайды”, — деп келтіреді Фьюридің сөзін DAZN.

Еске сала кетейік, Тайсон Фьюри (34-1-1) мен Александр Усик (22-0-0) арасындағы реванш 21 желтоқсаннан 22 желтоқсанға қараған түні Сауд Арабиясының Эр-Рияд қаласында өтеді. Мамыр айында өткен алғашқы кездесуде украиналық боксшы төрешілердің шешімімен жеңіске жеткен болатын. Бұл жолы Усик WBA, WBC, WBO, IBO және The Ring нұсқалары бойынша өз титулдарын қорғайды.