Михаил Мудрик Эр-Риядқа Александр Усикке қолдау көрсетуге келді

Бокс Бүгін 10:23

Аружан Темірбек

sports24 сарапшы

“Челси” мен Украина құрамасының футболшысы Михаил Мудрик Сауд Арабиясының Эр-Рияд қаласына отандасы Александр Усик пен британдық Тайсон Фьюри арасындағы жекпе-жекке келді. Бұл туралы Daily Mail хабарлайды.

“Челси” жанкүйері футболшының Эр-Риядта түсірілген суретін жариялады.

17 желтоқсанда Мудриктің допинг сынағы оң нәтиже бергені белгілі болып, ол уақытша футболдан шеттетілді.

Фьюри мен Усик 21 желтоқсанда ауыр салмақта абсолютті әлем чемпионы атағы үшін қарымта жекпе-жек өткізеді. Айта кетейік, мамыр айында Усик төрешілердің бөлек шешімімен Фьюриді жеңген болатын.