Әлем чемпионы Қазақстан чемпионатының жартылай финалына жолдама алды

Бокс Бүгін 09:36

Асылхан Тоқсанбек

sports24 сарапшы

Батыс Қазақстан облысының атынан сынға түскен Сабыржан Аққалықов 2024 жылғы Қазақстан чемпионатының жартылай финалына сенімді түрде жолдама алды.

71 келіге дейінгі салмақ дәрежесінде өткен ширек финалда ол Түркістан облысының өкілі Темірхан Тезекпен кездесіп, үшінші раундта техникалық нокаутпен жеңіске жетті.

Бірінші раундта төреші Тезекке екі рет нокдаун санады, ал үшінші раундта тағы бір рет есеп ашты. Жауапсыз соққылардан кейін жекпе-жек тоқтатылды.

Осылайша, Аққалықов жартылай финалға өтіп, кем дегенде қола жүлдеге ие болды.

Айта кетейік, Сабыржан 2021 жылы жастар арасында әлем чемпионы атанған.

WBC титулын жеңіп алған боксшы Қазақстан чемпионатында әуесқойға есе жіберді