Дияр Нұрғожай UFC-ге қашан дебют жасайтынын айтты

Бокс Бүгін 14:41

Қазақстандық аралас жекпе-жек шебері Дияр Нұрғожай, Dana White’s Contender Series турнирінде жарқын жеңіске жеткеннен кейін, UFC (Ultimate Fighting Championship) дебютінің мүмкін мерзімдері туралы айтып берді. Спортшы басылымға берген сұхбатында нақты күндер әлі белгіленбегенін, бірақ 2024 жылдың қаңтар немесе ақпан айлары қарастырылып жатқанын атап өтті.

“Бұл мәселені менеджеріммен және бапкерлерімізбен талқылаймыз. Құдай қаласа, дебют қаңтар-ақпан айларында өтеді. Шынымды айтсам, бәрі менеджерге байланысты, әзірге түпкілікті шешім қабылданған жоқ”, – деді Нұрғожай SPORT+ басылымына берген сұхбатында.

Айта кетейік, Дияр Нұрғожай Лас-Вегас, АҚШ-та өткен Dana White’s Contender Series турнирінің сегізінші маусымының жеңімпазы атанды. Өз жекпе-жегінде ол польшалық спортшы Бартош Шевчикпен (8-3-1) кездесіп, қарсыласын екінші раундта нокаутқа жіберіп, сарапшылар мен көрермендерді таңғалдырды.

Танымал жаңалықтар