Қазақстандық боксшы Садриддин Ахмедов Талғардағы қайғылы оқиғаға қатысты пікір білдірді

Бокс Бүгін 11:41

Аружан Темірбек

sports24 сарапшы

Жеңіліс дәмін татпаған Садриддин Ахмедов (15-0, 13 KO) америкалық Рафаэль Игбоквені (17-6, 7 KO) мерзімінен бұрын жеңгеннен кейін Талғарда болған оқиғаға қатысты пікір білдірді.

“Барша Қазақ елін Тәуелсіздікпен құттықтағым келеді. Қазақстанда көп түрлі жағдайлар болып жатыр, мәселен Шерзатқа байланысты. Тіпті шетелде жүрсек те, бұл оқиғалар біздің жүрегімізге батады. Біздің еліміздің туын үлкен ареналарда желбірету – біз үшін үлкен мәртебе. Қазақ елі, сіздерді қатты жақсы көремін”, – деді Ахмедов.

Еске сала кетейік, 4 қазан күні Талғарда 16 жастағы жасөспірім Шерзат Болат қаза тапты. Оқиғадан екі күн өткен соң, оның әкесі туыстары мен Талғар тұрғындарымен бірге наразылық акциясын өткізіп, жолдарды жауып, әділ және ашық тергеу жүргізуді талап етті.