Қазақстандық боксшы Усик пен Фьюри жекпе-жегіне болжам жасады

Бокс Бүгін 11:22

Марлен Аманов

sports24 сарапшы

Қазақстан құрамасының 63,5 келіге дейінгі салмақ дәрежесіндегі үздік боксшыларының бірі Ертуған Зейнуллин алдағы Александр Усик пен Тайсон Фьюри арасындағы реванш жекпе-жегіне өз болжамын айтты, деп хабарлайды Sportnews.kz.

“Менің ойымша, жеңіс Усиктің еншісінде болады. Мен оған бұрыннан жанкүйермін. Усиктің аяқпен жұмыс істеуі керемет. Ол рингте өзінің басымдығын дәлелдейді деп ойлаймын”, – деді Зейнуллин.

Естеріңізге сала кетейік, 21 желтоқсан күні Сауд Арабиясының Эр-Рияд қаласында 2024 жылдың қорытынды кеші – Riyadh Season аясында үлкен бокс кеші өтеді. Кештің басты оқиғасы ауыр салмақтағы украиналық чемпион Александр Усик (22-0, 14 КО) пен бұрынғы әлем чемпионы Тайсон Фьюри (34-1-1, 24 КО) арасындағы реванш болады.

Александр Усик әлемдік бокстағы жеңіс жолын Қазақстаннан бастады.