Жәния Бекмұхамбетованың жеңісі: Италиядағы халықаралық турнирде алтын медаль иегері

Теннис 10 қара 2024 01:47

Аружан Темірбек

sports24 сарапшы

Қазақстандық спортшы Жәния Бекмұхамбетова Италияның Линьяно қаласында өткен WTT Youth Contender Lignano 2024 халықаралық турнирінде үстел теннисінен алтын медальға қол жеткізді.

Жасөспірімдер арасындағы U11 жас санатында жеңімпаз атанған Жәния қарсыластарына еш мүмкіндік бермей, жеңісті жолын сенімді жалғастырды. Ол испаниялық Лола Урианы (3:0), италиялық Серена Россатиды (3:0), Эмили Кожакаруды (3:0), испаниялық Джулия Фернандесті (3:0), румыниялық Бьянка Томаны (3:0) және моңғолиялық Аялгуу Эрденехуягты (3:2) жеңіп, турнирдің алтын медаліне ие болды.

Айта кетейік, бұған дейін осы турнирде Жәния 13 жасқа дейінгі спортшылар арасында қола жүлдегер атанған болатын.