Жібек Құламбаева Мумбайдағы турнирдің жұптық сайысында өнерін аяқтады

Теннис Бүгін 06:30

Аружан Темірбек

sports24 сарапшы

Қазақстандық теннисші Жібек Құламбаева және оның үндістандық серіктесі Шривалли Рашмика Бхамидипати ITF W50 санатындағы турнирдің жартылай финалында жеңіліс тапты. Олар үндістандық Рия Бхатия мен Зил Десаи жұбына 3:6, 6:3, 5:10 есебімен есе жіберді.

Матч 1 сағат 26 минутқа созылды.

Финалда Бхатия мен Десаи жапониялық Канако Морисаки мен Наһо Сато жұбымен кездеседі.

24 жастағы Жібек Құламбаева WTA-ның жұптық рейтингінде 150-орында тұр, ал 23 жастағы Шривалли Бхамидипати 309-орында орналасқан.