Юлия Путинцева Пармада сәтті бастады: Сибахараны жеңіп, келесі кезеңге өтті

Теннис 13 мам 2025 09:34

Арсен Алиев

Редактор

Қазақстандық теннисші Юлия Путинцева Италияның Парма қаласында өтіп жатқан «челленджер» санатындағы турнирдегі алғашқы ойынын сәтті бастады.

30 жастағы спортшы жарыстың алғашқы айналымында жапониялық Эна Сибахараны 6:3, 6:4 есебімен жеңді. Кездесу 1 сағат 19 минутқа созылды.

Италия. Parma Challenger. Әйелдер, Грунт – 1/16 финал

Путинцева – Сибахара – 6:3, 6:4

Әлемдік WTA рейтингінде 29-орында тұрған Путинцева бұл турнирге бірінші нөмірмен тіркелген болатын. Ал оның қарсыласы, 27 жастағы Сибахара, рейтингте 139-сатыда тұр.

Келесі айналымда қазақстандық теннисші германиялық Анна-Лена Фридзам мен колумбиялық Эмилиана Аранго арасындағы матч жеңімпазымен кездеседі.

Айта кетейік, бұл турнирдің былтырғы чемпионы – словакиялық теннисші Анна Каролина Шмидлова.