Томоказу Харимото – Астанада өткен үстел теннисінен Азия чемпионатының жеңімпазы

Теннис 13 қаз 2024 14:00

Аружан Темірбек

sports24 сарапшы

Астанада үстел теннисінен Азия чемпионатының финалдық кездесуі өтті. Құрлық біріншілігінің соңғы алтыны ерлер жекелей сындағы матчта ойнатылды.

Финалда Токио Олимпиадасының қола жүлдегері, жапониялық Томоказу Харимото мен аралас жұптық әлем чемпионатында үшінші орын алған қытайлық Лин Шидун кездесті.

Алғашқы екі сетте Харимото 11:9 және 11:6 есебімен алға шықты. Үшінші сетті Шидун 11:4 есебімен жеңіп, ойынға қайта оралды. Алайда, Харимото қарсыласына мүмкіндік бермей, 11:5 есебімен жеңісті өз пайдасына жазып, матчты аяқтады.

Осылайша, Томоказу Харимото финалда 3:1 есебімен жеңіске жетіп, ерлер арасындағы Азия чемпионатының алтын медалін иеленді.