Скатов Жиронадағы «Челленджер» турниріндегі өнерін тоқтатты

Теннис 28 нау 2025 08:10

Арсен Алиев

Қазақстандық теннисші Тимофей Скатов Испанияның Жирона қаласында өтіп жатқан топырақ жабындысындағы «Челленджер» сериялы турнирінің жартылай финалына шыға алмады.

Ширек финалда 24 жастағы спортшы сербиялық Душан Лайовичке 2:6, 4:6 есебімен жол берді. Кездесу 1 сағат 31 минутқа созылды.

Girona Chall. Ерлер. Топырақ жабынды. ¼ финал

Лайович – Скатов – 6:2, 6:4

Қазіргі таңда Скатов ATP рейтингінде 175-орында тұр, ал Лайович 108-сатыда орналасқан.

Каталониядағы турнирдің жүлде қоры 145 250 еуроны құрайды. Жеңімпаз 100 рейтингтік ұпай мен 20 630 еуро көлемінде сыйақы алады.