Ролан Гаррос» турнирі алдында Елена Рыбакина Страсбургтегі титул үшін таласады
Елена Рыбакина 2025 жылғы «Ролан Гаррос» басталар қарсаңында Францияның Страсбург қаласында өтетін WTA-500 санатындағы беделді турнирге қатысады.
Бұл - Рыбакина үшін Страсбургтегі үшінші турнир болмақ. Ол бұған дейін бұл жарысқа 2018 және 2020 жылдары қатысқан. 2020 жылы финалға дейін жетіп, титулға бір қадам қалғанда тоқтады.
Биылғы турнирде күшті қарсыластардың қатары көп. Олардың арасында ресейлік Людмила Самсонова мен Анна Калинская, америкалық теннисшілер - әлемдік рейтингте 4-орындағы Джессика Пегула мен 9-орындағы Эмма Наварро, сондай-ақ рейтингте 10-орында тұрған испаниялық Паула Бадоса бар.
Еске салайық, бұған дейін Рыбакина Италияның Рим қаласында өткен WTA-1000 турнирінде 1/16 финалда канадалық Бьянка Андреескуге 2:6, 4:6 есебімен есе жіберіп, жарысты ерте аяқтаған еді.
Енді қазақстандық спортшы үшін маусымның басты топырақ жамылғысындағы турнирі алдында сенімділік жинап, өз ойынын қайта табуға жақсы мүмкіндік туып отыр.
Футбол
Бүгін 03:13
