Рыбакина жаңа бастамаларға ұмтылады: мақсаты – әлемнің бірінші ракеткасы болу

Теннис 07 қара 2024 01:21

Аружан Темірбек

sports24 сарапшы

Әлемдік рейтингте бесінші орында тұрған қазақстандық теннисші Елена Рыбакина “Үлкен дулыға” турнирлеріндегі трофейлер коллекциясын толықтыруға ниетті екенін мәлімдеді. Бүгінгі таңда Рыбакинаның қоржынында тек бір мейджор атағы бар – 2022 жылғы Уимблдон.

“Менің алдыма қойған арманым– “дулығаларды” жеңіп алу. Ал басты мақсат – бір күні әлемнің бірінші ракеткасы болу. Бұл келесі жылы жүзеге асады деп үміттенемін”, – деп келтіреді Рыбакинаның сөзін The Tennis Letter.

Айта кетейік, жуырда Елена Рыбакина WTA маусымын аяқтап, Эр-Риядта (Сауд Арабиясы) өткен WTA Финалдық турнирінде әлемнің бірінші ракеткасы Арина Соболенконы жеңді.