Рыбакина орнын сақтап қалды, Құламбаева WTA жаңа рейтингінде өз орнын жоғалтты

Теннис Бүгін 01:47

Аружан Темірбек

sports24 сарапшы

Әйелдер теннис қауымдастығы (WTA) жаңартылған рейтингін жариялады.

Қазақстанның бірінші ракеткасы Елена Рыбакина өз орнын сақтап, рейтингте алтыншы орында қалды, ал Юлия Путинцева 29-орынды иеленуде.

Жібек Құламбаева алты сатыға төмендеп, 334-орынға түссе, Зарина Диас та алты орын жоғалтып, 389-орынға тұрақтады.

Топ-1000 ішіндегі қазақстандықтардың арасында Соня Жиенбаева (633-орын, өзгеріссіз), Анна Данилина (896-орын, -1 позиция), Сандуғаш Кенжебаева (903-орын, +1 позиция) және Аружан Сагандикова (945-орын, -3 позиция) бар.

Әлемдік рейтингтің үздік үштігінде өзгерістер болмады. Әлемнің бірінші ракеткасы ретінде беларусьтік Арина Соболенко көш бастап тұр, ал үздік үштікте польшалық теннисшісі Ига Швёнтек пен америкалық Коко Гауфф бар.