Рыбакина Мадридтегі беделді турнирде Свитолинаға жол берді

Теннис 27 сәу 2025 15:48

Дамир Кошечкин

Журналист

27 сәуір күні Мадрид қаласында өтіп жатқан беделді турнирдің 1/16 финалында қазақстандық Елена Рыбакина мен украиналық Элина Свитолина кортқа шықты.

Кездесу екі сетте аяқталып, украиналық теннисші 6:3, 6:4 есебімен жеңіске жетті.

WTA 1000. Madrid Open. 1/16 финал
Елена Рыбакина (Қазақстан, 10) – Элина Свитолина (Украина, 17) – 0:2 (3:6, 4:6)

Бұған дейінгі кезеңде Рыбакина канадалық Бьянка Андреескуды жеңсе, Свитолина британдық Сонай Карталдан басым болды.

1/8 финалда Элина грек теннисшісі Мария Саккаримен кездеседі.

Айта кетейік, биылғы Мадрид турнирінің жүлде қоры 7 854 000 еуроны құрайды. Жекелей сында топ жарған теннисші 985 030 еуро мен 1000 рейтингтік ұпай иеленеді.