Рафаэль Надаль Сауд Арабиясында өтіп жатқан турнирдің үшінші орны үшін Джоковичпен бақ сынасады

Теннис 18 қаз 2024 00:14

Аружан Темірбек

sports24 сарапшы

Испаниялық теннис жұлдызы Рафаэль Надаль Сауд Арабиясында өтіп жатқан Six Kings Slam турнирінің жартылай финалында жеңіліске ұшырады.

Жартылай финалда ол әлемдік рейтингте екінші орынды иеленген отандасы Карлос Алькарасқа қарсы ойнады. Кездесу Алькарастің екі сеттегі 6:3, 6:3 есебімен жеңісімен аяқталды. Дегенмен, 38 жастағы Надаль турнирден біржолата ұшып кетпеді. Алда, испандық 37 жастағы Олимпиада чемпионы, әлемдік рейтингте 4-орында тұрған Новак Джоковичке қарсы үшінші орынға таласады.

Финалда Карлос Алькарас әлемнің бірінші ракеткасы Янник Синнермен кездеседі.

Айта кетейік, турнирдің жалпы жүлде қоры 13,5 миллион долларды құрайды.