Надаль спорттық мансабын аяқтады

Теннис 19 қара 2024 22:41

Асылхан Тоқсанбек

sports24 сарапшы

22 рет "Үлкен дулыға" турнирлерінің чемпионы, испандық теннисші Рафаэль Надаль кәсіби мансабындағы соңғы матчынан кейін кортта қоштасу сөзін айтып, көз жасына ерік берді.

Ол жанкүйерлерге арнап алғыс сөзін дайындап, оны жеткізген кезде толқынысын жасыра алмады. Бұл сәтте трибунадан "Рафа, Рафа, Рафа!" деген қолдау дауыстары естіліп тұрды.

"Бұл сәтке ешкім жетуді қаламайды. Мен теннистен шаршаған жоқпын. Бірақ менің денем бұдан әрі ойнауға дайын емес", – деді Надаль корттағы сұхбатында.

2024 жылдың қазанында 38 жастағы Рафаэль Надаль мансабын Дэвис кубогының финалдық кезеңінде аяқтайтынын жариялады.

Соңғы кездесуінде Надаль голландиялық Ботик ван де Зандсхулпқа 4:6, 4:6 есебімен жеңіліп, ширек финалда жарысты тоқтатты.