Михаил Кукушкин Бресттегі турнирдің жартылай финалына шыға алмады

Теннис 26 қаз 2024 03:47

Аружан Темірбек

sports24 сарапшы

Қазақстанның экс бірінші ракеткасы Михаил Кукушкин Францияның Брест қаласында өткен “Челленджер” турнирінің жартылай финалына шыға алмады.

Ширек финал сатысында оны ресейлік теннисші Алибек Қашмазов тоқтатты, ол Кукушкинді 6:3, 6:2 есебімен жеңді.

Ойын 1 сағат 32 минутқа созылды. Михаил матч барысында бір брейк жасай алғанымен, өзі берген төрт геймде ұтылып қалды. Осылайша, қазақстандық теннисші турнирдегі өнерін аяқтады.

Бресттегі турнирдің жүлде қоры 120 950 еуроны құрайды. Жеңімпаз 16 550 еуро мен 100 рейтингтік ұпай алады.