Әлемдік кезеңге сәл жетпей қалды. Теннистен Қазақстан жасөспірімдер құрамасы іріктеу кезеңін аяқтады

Теннис 08 сәу 2025 03:46

Наурызбай Қанатұлы

Малайзияның Кучинг қаласында теннистен 14 жасқа дейінгі жасөспірімдер арасындағы World Junior Tennis Competition әлем чемпионатының Азия – Тынық мұхит аймағы бойынша іріктеу турнирі мәресіне жетті.

Қазақстан құрамасы топтық бәсекеден сенімді өтіп, ширек финалда Корея Республикасы командасымен кездесті. Матч тартысты өтіп, қыздарымыз 1:2 есебімен жеңіліп, әлем чемпионатының финалдық кезеңіне өте алмады.

Бесінші орын үшін кездесуде турнирдің мықты құрамаларының бірі – Аустралияны 2:1 есебімен жеңді.

Аталмыш командалық жарыста Қазақстан намысын Ясмин Дүйсембаева, Тамина Сәкен және Мәриям Нұржан қорғады. Команда капитаны – Марат Шәріпов.