Құламбаева Германиядағы турнирде жұптық сында жеңіске жетті

Теннис 29 сәу 2025 11:39

Бакберген Тынымов

Редактор

Қазақстандық теннисші Жібек Куламбаева Германияның Висбаден қаласында өтіп жатқан ITF W100 санатындағы топырақтағы турнирдің жұптық сынында жеңіспен бастады.

Турнирдің алғашқы айналымында Құламбаева Латвиядан келген Дарья Семенистаямен бірге Ұлыбританиялық Иден Силва мен Джоди Барредждің дуэтіне қарсы ойнап, үш сетке созылған матчта 1 сағат 58 минутта жеңіске жетті.

ITF W100 Висбаден. Топырақ. Жұптық сын, 1/8 финал

Иден Силва / Джоди Барредж (Ұлыбритания) — Жібек Куламбаева (Қазақстан) / Дарья Семенистая (Латвия) — 6:7 (3:7), 7:6 (7:1), 8:10

Кездесудің алғашқы екі сетінің тағдырын тай-брейктер шешті. Бірінші сеттің соңында Құламбаева мен Семенистая тек бір ғана қателікпен ойнап, сетті өз пайдасына шешті. Алайда екінші сеттің соңында Жібек пен Дарья өз подачаларында қатарынан төрт ұпай жоғалтып, сетті қарсыластарына беріп қойды.

Шешуші үшінші сетте нағыз жүйке соғысы болды. Бұл сынақтан Құламбаева мен Семенистая мықтырақ шықты. 7:4 есебімен алға шыққанымен, қарсыластары 9:8 есебіне дейін жақындап, қазақстандық-латвиялық жұп екі матчболды мүлт жіберді. Алайда үшінші мүмкіндікте олар сетті де, матчы да өз пайдаларына аяқтай алды.

Сонымен қатар, қазақстандық теннисші Аружан Сағандықова (WTA №925) Шымкентте басталған ITF W15 санатындағы топырақтағы турнирдің алғашқы кезеңінде жеңіліп қалды.