Junior Davis Cup Finals-2024: Қазақстандық теннисшілер алғаш рет ширекфиналға шықты

Теннис Кеше 10:51

Марлен Аманов

sports24 сарапшы

Антальяда өтетін 17 жасқа дейінгі теннисшілер арасындағы Әлем чемпионатында Қазақстан құрамасы тарихта тұңғыш рет ширекфиналға жолдама алды.

Қазақстандық теннисші Дамир Жалғасбай (ITF жастар рейтингі: 198) мен Сию Чи Николас Ченг (298) арасындағы ойында, Дамир 3 сетте 6-2, 4-6, 6-3 есебімен жеңіске жетіп, Қазақстанды 1-0 есебімен алға шығарды.

Екінші ойында Қазақстан атынан шыққан Заңғар Нұрланұлы (ITF жастар рейтингі: 77) Гонконг теннисшісі Джек Ченгке (205) қарсы 6-3, 6-0 есебімен жеңіп, Қазақстан құрамасына екінші жеңісті әкелді.

Енді біздің команда тарихта алғаш рет 1/4 финалға шығып, жаңа жетістікке қол жеткізді.

Ертең топтық кезеңдегі 1-орын үшін Қазақстан Франция құрамасымен кездеседі.