Евсеев Оэйраш турнирінің 1/16 финалында Лукаш Клейнмен кездеседі
Қазақстандық теннисші Денис Евсеев (ATP рейтингінде 249-орын) Португалияның Оэйраш қаласында өтіп жатқан турнирдің негізгі торына жолдама алды.
Іріктеу кезеңінде Евсеев екі қарсыласын жеңді: үндістандық Мукунд Сасикумарды (ATP 367-орын) және португалиялық Тиагу Перейраны (514). Енді 1/16 финалында қазақстандық теннисші әлемдік рейтингте 144-орынға ие словак Лукашь Клейнмен кездеседі. Матч 22 қаңтар күні сағат 15:00-де (Астана уақыты бойынша) өтеді.
Бұл кездесудің жеңімпазы келесі раундқа шығады және Валентен Ройе (209, Франция) мен Игнасио Бусе (236, Перу) жұбының мықтысымен ойнайды.
Айта кету керек, Евсеевтен бөлек, турнирдің негізгі торына тағы екі қазақстандық спортшы – Дмитрий Попко (120-орын) және Бейбіт Жұқаев (244-орын) шықты.
Басқа спорт түрлері
Бүгін 05:30
