Евсеев Монтемарда өтіп жатқан турнирде жұптық сайыста ширек финалға шықты

Теннис Бүгін 00:17

Аружан Темірбек

sports24 сарапшы

Қазақстандық теннисші Денис Евсеев украиналық Эрик Ваншельбойммен бірге Испанияның Монтемар қаласында өтіп жатқан “Челленджер” сериясы турнирінің жұптық сынында сенімді жеңіске жетті. 1/8 финалда олар болгариялық Адриан Андреев пен молдовалық Егор Матвиевичті 6:3, 6:2 есебімен тізе бүктірді. Кездесу бар болғаны 51 минутқа созылды.

Ширек финал кезеңінде Евсеев пен Ваншельбойм испандық Даниэль Ринкон және иорданиялық Абедалла Шелбайхпен кездеседі. Бұл матч 21 қараша күні, сәрсенбіде, Астана уақытымен 20:45-те өтеді.

Бұған қоса, Евсеев жекелей сында да өз жолын жалғастыруда. Бүгін Астана уақытымен 16:00-де әлемдік рейтингте 212-орында тұрған қазақстандық спортшы 1/8 финалда болгариялық Илиян Радуловпен кортқа шығады.