Елена Рыбакинаны турнирден ұшырған теннисші Australian Open-2025 жартылай финалға шықты

Теннис 21 қаң 2025 22:59

Аружан Темірбек

sports24 сарапшы

Аустралияның Мельбурн қаласында өтіп жатқан Australian Open-2025 турнирінде әйелдер арасындағы жекелей сында әлемнің 14-ші ракеткасы, америкалық Мэдисон Киз бен әлемдік рейтингтің 27-ші сатысындағы украиналық Элина Свитолина арасында ширек финалдық матч аяқталды. Кездесу үш сетте Мэдисон Киздің жеңісімен аяқталды.

Australian Open, 1/4 финал

Мэдисон Киз (АҚШ) — Элина Свитолина (Украина) — 3:6, 6:3, 6:4.

Матч ұзақтығы 1 сағат 54 минутты құрады. Мэдисон Киз алты эйс жасап, төрт қос қате жіберді және тоғыз брейк-пойнттың екеуін пайдаланды. Ал Элина Свитолина үш эйс орындап, бір қос қате жіберді және екі брейк-пойнттың біреуін жүзеге асырды.

Australian Open-2025 жартылай финалында Мэдисон Киз әлемнің 8-ші ракеткасы, америкалық Эмма Наварро мен рейтингте 2-ші орында тұрған польшалық Ига Швёнтек арасындағы ширек финал матчындағы жеңімпазбен кездеседі.

Естеріңізге сала кетейік, бұған дейінгі кезеңде Мэдисон Киз Қазақстанның бірінші ракеткасы Елена Рыбакинаны сенсациялық түрде жеңген болатын.