Елена Рыбакина Арина Соболенкоға қарсы өтетін матчқа қатысты мәлімдеме жасады

Теннис Бүгін 01:22

Асылхан Тоқсанбек

sports24 сарапшы

Қазақстандық теннисші, әлемнің бесінші ракеткасы Елена Рыбакина өз күтілімдерін әлемнің бірінші ракеткасы, беларусьтандық Арина Соболенкоға қарсы өтетін матчқа байланысты ойларымен бөлісті. Бұл кездесу WTA Қорытынды турнирінің топтық кезеңінде өтеді.

Ескеретін жайт , Рыбакина үшін алдағы матч турнирлік маңызға ие болмайды, өйткені ол плей-оффқа шығу мүмкіндігін жоғалтып алды. Арина Соболенко болса, өз кезегінде, екі жеңіспен топты бастап келеді.

“Арина биыл өте жақсы ойнады, өзіне сенімді екені көрініп тұр. Бұл қиын матч болады, бірақ мен бүгін бірінші матчпен салыстырғанда жақсы ойнағанымды сеземін. Сондықтан Аринаға қарсы жекпе-жекте өзімді біраз күшті серпілтуге үміттенемін. Нәтижесін көрейік. Ол қазіргі уақытта бірінші нөмір, мен ойынды көңіл көтеріп, оны біраз қиындатқым келеді (күледі)”, — деді Рыбакина WTA-ға берген сұхбатында.

Еске сала кетейік, WTA Қорытынды турнирінде Елена Рыбакина итальяндық Жасмин Паолиниге (6:7, 4:6) және қытайлық теннисші Чжэн Циньвэньге (6:7, 6:3, 1:6) жеңіліп еді.

Елена Рыбакина WTA қорытынды турнирінің плей-офф кезеңіне жолдама ала алмады