Экс - теннисші Энди Маррей Джоковичтің жаттықтырушысы болды
Екі дүркін Олимпиада чемпионы Энди Маррей 24 дүркін “Үлкен дулыға” турнирлерінің жеңімпазы Новак Джоковичті маусым кезінде және Аустралия ашық чемпионатына дейін жаттықтыратын болады.
“Біз бір-бірімізбен балалық шақтан бері ойнап келеміз. 25 жыл бойы біз қарсыластар болдық, бір-бірімізді мүмкіндіктерімізден асып түсуге итермеледік. Біздің спортта ең эпикалық шайқастарымыздың бірі болды. Бізді “ойынды өзгертушілер”, “тәуекелшілер”, деп атады. Мен біздің тарихымыздың аяқталғанын ойладым. Бірақ, оның соңғы тарауы бар екен. Менің ең қиын қарсыластарымның бірі менің командама қосылуға дайын. Бортқа қош келдің, жаттықтырушы Энди Маррей”, – деп жазды Джокович Instagram әлеуметтік желісіндегі парақшасында.
Еске сала кетейік, Маррей 2024 жылғы Париж Олимпиадасынан кейін карьерасын аяқтады. Ойыншы кезінде британдық теннисші сербпен 36 кездесудің 11-ін жеңіп алған.
Нидерланд алғаш рет Кубок Дэвис финалына шықты.
Теннис
Бүгін 12:09
