Бублик позициясын сақтап қалды, Шевченко жаңартылған ATP рейтингінде көтерілді

Теннис Бүгін 00:30

Аружан Темірбек

sports24 сарапшы

Кәсіби теннисшілер қауымдастығы (ATP) жаңартылған рейтингін жариялады.

Қазақстанның үздік теннисшісі Александр Бублик 34-орнын сақтап қалды, ал бұрын 80-ші сатыда тұрған Александр Шевченко екі орынға көтерілді.

Топ-1000 ішінде орналасқан қазақстандық теннисшілердің ішінде Михаил Кукушкин (112-орын, +1 позиция), Дмитрий Попко (174-орын, +2), Тимофей Скатов (192-орын, +3) және Григорий Ломакин (866-орын, +4) өз көрсеткіштерін жақсартты.

Ал Денис Евсеев 204-ші орыннан 212-орынға төмендеді, ал Бейбіт Жукаев 238-орнын сақтап қалды.

Әлемдік рейтингтің көшбасшысы италиялық Янник Синнер болып қала берді. Топ-3 құрамына сондай-ақ Германия өкілі Александр Зверев пен Испания теннисшісі Карлос Алькарас кірді.