Бейбіт Жұқаев АҚШ-тағы турнирде жеңіліс сериясын бұзып, екінші айналымға шықты

Теннис 11 қара 2024 22:57

Аружан Темірбек

sports24 сарапшы

Қазақстандық теннисші Бейбіт Жұқаев (әлемдік рейтингте 238-орын) АҚШ-тың Шампейн қаласында өтіп жатқан “Челленджер” сериясындағы турнирдің екінші айналымына жолдама алды.

Бейбіт алғашқы айналымда британдық Энри Сирлді (әлемдік рейтингте 514-орын) 6:3, 7:6(4) есебімен жеңіп шықты. Кортта спортшылар бір сағат 22 минут бойы ойнады. Жұқаев бес эйс жасап, төрт қос қателікке жол берді және төрт мүмкіндіктің бірінде брейк-пойнтты сәтті іске асырды.

Ширек финалға шығу үшін Бейбіт Жұқаев аeстралиялық Джереми Чжанмен немесе іріктеу кезеңінен өткен ойыншылардың бірімен кездеседі.

Айта кетейік, бұл жеңіс Бейбітке үш матч қатарынан болған жеңіліс сериясын үзуге мүмкіндік берді.