Қазақстандық теннисші жартылай финалда қарсыласына камбэк жасатып қойды

Теннис 09 қара 2024 15:58

Асылхан Тоқсанбек

sports24 сарапшы

Қазақстандық теннисші Денис Евсеев (әлемдік рейтингте 218-орын) Хельсинкиде өткен турнирдің финалына жолдама ала алмады.

Жеке разрядтың жартылай финалында Денис Евсеев итальяндық Лука Нардиге (әлемдік рейтингте 102-орын) қарсы ойнап, тартысты үш сетте жеңіліс тапты. Алғашқы сетте Евсеев басым болды — 6:2, алайда кейін Нарди матчтың бағытын өзгертіп, шешуші сетте тай-брейкте жеңіске жетті — 6:3, 7:6 (6:4). Нәтижесінде Нарди финалға шықты, онда ол жапондық Кэй Нисикориге (132-орын) қарсы ойнайды.

Еске салсақ, Хельсинкиде өткен турнирде Денис Евсеев сенімді ойын көрсетіп, эстондық Оливер Оякаарды (әлемдік рейтингте 946-орын) 6:2, 6:4 есебімен жеңді, кейін итальяндық Федерико Арнабольдиді (241-орын) 6:2, 6:4, және финдық Отто Виртаненді (96-орын) 6:4, 7:5 есебімен ұтқан болатын.