Қазақстандық теннисші Попко Загребтегі челленджер турнирінің келесі кезеңіне шықты

Теннис 12 мам 2025 16:18

Дамир Кошечкин

Журналист

Хорватия астанасы Загребте өтіп жатқан челленджер санатындағы теннис турнирінде қазақстандық спортшы Дмитрий Попко келесі кезеңге жолдама алды.

Попко алғашқы айналымда хорватиялық Матей Додигпен кездесіп, екі сетте де 6:4 есебімен жеңіске жетті.

Челленджер. Загреб (Хорватия). 1/16 финал
Матей Додиг (Хорватия) – Дмитрий Попко (Қазақстан) – 0:2 (4:6, 4:6)

Бұл теннисшілер бұған дейін екі рет кездескен болатын. Осы жолғы жеңістен кейін жеке кездесулер есебі Попконың пайдасына 2:1 болып өзгерді.

Келесі кезеңге шығу үшін Попко Босния және Герцеговина өкілі Нермин Фатич пен хорватиялық Лука Поличак арасындағы матчтың жеңімпазымен кездеседі.