ATP 125 Хельсинки. Михаил Кукушкин Финляндиядағы турнирді сәтсіз бастады
4 қараша күні Финляндия астанасы Хельсинкиде қазақстандық теннисші Михаил Кукушкин (ATP №108) ATP 125 Challenger сериясының жекелей сынында алғашқы кездесуін өткізді. 1/16 финалда Кукушкинге қарсы итальяндық Федерико Арнабольди (ATP №241) өнер көрсетті. Кездесу Арнабольдидің екі сеттегі сенімді жеңісімен аяқталды – 6:4, 7:5. Матч 1 сағат 53 минутқа созылды.
ATP 125 Хельсинки. 1/16 финал. 4 қараша
Жекелей сын
Төсеніш: хард
Михаил Кукушкин (Қазақстан) – Федерико Арнабольди (Италия)
Есеп: 0:2 (4:6, 5:7)
Арнабольдидің келесі қарсыласы тағы бір қазақстандық теннисші Денис Евсеев болады, ол 1/16 финалда эстондық теннисші Оливер Оякаарды 6:2, 6:4 есебімен оңай жеңді.
Айта кетейік, Хельсинки турнирінің жүлде қоры 148 625 еуроны құрайды. Турнир жеңімпазы 20 300 еуро мен 125 рейтингтік ұпайға ие болады.
