ATP 125 Хельсинки. Денис Евсеев жартылай финалға шықты

Теннис 08 қара 2024 12:42

Павлив Никита

sports24 сарапшы

8 қараша күні Финляндия астанасы Хельсинкиде ATP 125 Challenger сериясы аясында қазақстандық теннисші Денис Евсеев (ATP рейтингінде 218-орында) жекелей сында ширек финалдық кездесу өткізді. Қазақстандық спортшы алаң иесі, Финляндия өкілі Отто Виртаненмен (ATP рейтингінде 96-орында) кездесіп, екі сетте сенімді жеңіске жетті – 6:4, 7:5. Матч 1 сағат 22 минутқа созылды.

ATP 125 Хельсинки. Жартылай финал. 8 қараша

Жекелей сын

Төсеніш: хард

Денис Евсеев (Қазақстан) – Отто Виртанен (Финляндия)

Есеп: 2:0 (6:4; 7:5)

Финал жолдамасы үшін Евсеев АТР рейтингінде 102-орында тұрған итальяндық Ли Нардиге қарсы ойнайды. Бұл ойын 9 қараша күні, Қазақстан уақытымен сағат 20:00-де басталады.

Еске салсақ, Хельсинки турнирінің жүлде қоры 148 625 еуроны құрайды. Жеңімпаз 20 300 еуро көлемінде сыйақы мен 125 рейтингтік ұпайға ие болады.

Сонымен қатар, Almaty Open әлемнің үздік үш теннис турнирінің қатарына енгенін атап өткен болатынбыз.