Арина Соболенко WTA-1000 турнирлерінде он жылда алғаш жетістікке жетті
Әлемнің бірінші ракеткасы Арина Соболенко 2025 жылғы маусымда жоғары деңгейдегі өнерін жалғастыруда. Белорус теннисшісі қатарынан төртінші WTA-1000 турнирінің ширек финалына шығып, соңғы онжылдықтағы ерекше нәтижеге қол жеткізді.
Бұған дейін мұндай көрсеткішке 2015 жылы испаниялық Карла Суарес-Наварро жеткен болатын. Ол сол маусымдағы алғашқы төрт «мыңдық» турнирде де үздік сегіздікке енген.
Римдегі қазіргі турнирде Соболенко төртінші айналымда украиналық Марта Костюкты (WTA рейтингі — 27) 6:1, 7:6 (10:8) есебімен жеңді. Енді ширек финалда ол Қытайдың сегізінші ракеткасы Чжэн Циньвэньмен кездеседі. Айта кетейік, Арина бұған дейінгі алты матчта да қытайлық теннисшіден басым түскен.
Соболенко маусым басынан бері тұрақты нәтижелер көрсетіп, ірі жарыстардың басты фавориттерінің біріне айналды.
Римдегі беделді турнирдің ширек финалына шыққан теннисшілер анықталды.
Футбол
Бүгін 17:58
Футбол
Бүгін 17:16