Алматыда АТР 250 ұйымдастырушылары wild card иегерлерін жариялады

Теннис 26 қыр 2024 04:20

Люба Рябинина

sports24 сарапшы

13-20 қазан аралығында Қазақстанның оңтүстік астанасында өтетін АТР 250 Almaty Open ірі теннис турнирінің ұйымдастырушылары wild card иегерлерінің есімдерін жариялады. Жекелей сынның негізгі торына қазақстандықтардан Тимофей Скатов пен Бейбіт Жұқаев арнайы шақырулар алды. Wild card іріктеу кезеңіне шақырту Әмір Омархановқа да берілді.

Александр Шевченко Тимофей Скатовпен және Денис Евсеев Бейбіт Жұкаевпен жұптық сында өнер көрсетеді.

Турнирге Фрэнсис Тиафо (ATP рейтингінде 15-ші), Себастьян Кордо (16), Алехандро Табило (22), Артур Фис (24), Карен Хачанов (27), Флавио Каболли (32), Томаш Махач (34) және Адриан Маннарино (44) қатысады. Турнирде Қазақстанның намысын Александр Бублик, Михаил Кукушкин, Александр Недовесов және wild card иелері қорғайтын болады.