XDS «Астана» «Джиро д’Италия» көпкүндігінің 13-кезеңінде сенімді өнер көрсетті: Кончи – үздік 15 қатарында

Басқа спорт түрлері 23 мам 2025 13:55

Арсен Алиев

Редактор

23 мамырда әлемдегі ең беделді велокөпкүндіктердің бірі - «Джиро д’Италия» жарысының 13-кезеңі өтті. Жарыс жолының ұзындығы 180 шақырымды құрады.

Бұл кезеңнің жеңімпазы даталық шабандоз Мадс Педерсен болды. Ол Lidl-Trek командасының намысын қорғап, тартысты жарыста мықтыларды артта қалдырды.

Екінші орынға бельгиялық Ваут Ван Арт (Visma | Lease a Bike) ие болды. Үздік үштікті мексикалық Исаак Дель Торо (UAE Team Emirates-XRG) түйіндеді.

Қазақстандық «Астана» командасы сапынан ең жоғары нәтиже көрсеткен Никола Кончи болды - ол кезеңді 12-ші болып аяқтады. Сонымен қатар, жарысқа Диего Улисси (22-орын), Кристиан Скарони (57), Фаусто Маснада (65), Ваут Пулс (69), Лоренцо Фортунато (121), Антон Кузьмин (123) және Макс Кантер (140) қатысты.