Велоспорт. Астана жас талантпен келісімшартты ұзартты

Басқа спорт түрлері 09 қаз 2024 03:58

Александр Шарадкин

sports24 сарапшы

Қазақстандық "Астана" велокомандасы жас шабандоз Глеб Сырицамен келісімшартты ұзартты, деп хабарлайды команданың баспасөз қызметі.

Хабарланғандай, "Астана" мен 24 жастағы Сырица арасындағы жаңа келісім келесі маусымның соңына дейін есептелген. Шабандоз әлемдік турда қазақстандық команда құрамында өнер көрсетуді жалғастырады.

Естеріңізге сала кетейік, "Астана" құрамында Глеб Сырица 2022 жылдың тамыз айынан бастап өнер көрсетеді. Осы уақыт ішінде ол "Лангкави туры" кезеңдерінде төрт рет жеңіске жетті, бірнеше рет жеңіс тұғырына көтеріліп, басқа жарыстарда алғашқы бестік пен ондықты аяқтады.