Топурия мен Холлоуэй UFC 308 турниріндегі титулдық жекпе-жек алдында көзқарас дуэлін өткізді

Басқа спорт түрлері 26 қаз 2024 02:31

Аружан Темірбек

sports24 сарапшы

Жеңіліс дәмін көрмеген испан-грузин спортшысы Илья Топурия мен америкалық Макс Холлоуэй жартылай жеңіл салмақтағы UFC титулы үшін өтетін жекпе-жек алдындағы соңғы көзқарас дуэлін өткізді.

Салмақ өлшеу рәсімінде қос спортшы да бірдей нәтиже көрсетті — 65,77 кг.

Чемпиондық белбеу сарапқа салынатын басты жекпе-жек UFC 308 турнирінде, бүгін, 26 қазанда, Әбу-Дабиде (БАӘ) өтеді.

Көзқарас дуэлі кезінде Топурия Холлоуэйге үнемі бірдеңе айтып тұрды, ал америкалық үнсіз қалып, бас изеумен шектелді. Топурияның есебінде ММА-де 15 жеңіс және бірде-бір жеңіліс жоқ, ал Холлоуэй 26 жеңіс пен жеті жеңіліске ие.