Софья Самоделкина Универсиададағы қоласы үшін 2,6 миллион теңге сыйақы алды
17 жастағы мәнерлеп сырғанаушы Софья Самоделкина Туринде өткен Универсиадада әйелдер арасындағы жеке сырғанауда Қазақстанға қола медаль әкелді. Бұл медаль Қазақстан тарихында осы спорт түрінен Универсиадалардағы алғашқы қола жүлде болып табылады.
Универсиада медальдары үшін сыйақы мөлшері Қазақстан Үкіметінің қаулысымен белгіленген. Қаулыға сәйкес, алтын медаль үшін спортшылар 15 мың доллар (шамамен 7,9 миллион теңге), күміс медаль үшін – 10 мың доллар (5,2 миллион теңге), ал қола медаль үшін – 5 мың доллар (2,6 миллион теңге) алады.
Осылайша, Софья Самоделкина Туринде өткен Универсиададағы қола медалі үшін 2,6 миллион теңге көлемінде сыйақы алды.
Айта кетейік, 2023 жылы Софья анасының Қазақстанда дүниеге келуіне байланысты қазақстандық азаматтықты алуды шешті. 2024 жылдың желтоқсан айында ол Қазақстан чемпионатында алғаш рет жеңіске жетіп, ұлттық құраманың бірінші нөміріне айналды.
Басқа спорт түрлері
Бүгін 07:45
Басқа спорт түрлері
Бүгін 05:30