Софья Самоделкина Эстония астанасында халықаралық турнирде өнер көрсетеді
Қазақстандық мәнерлеп сырғанаушы Софья Самоделкинаның келесі жарысқа қатысу күні мен орны белгілі болды.
ISU Challenger Series Tallinn Trophy 2024 турнирінің ресми сайтында жарияланған мәліметке сәйкес, 17 жастағы Софья Самоделкина алдағы күндері Эстония астанасы Таллинде өнер көрсетеді.
12 қараша күні сағат 22:30-да (Қазақстан уақытымен) қысқа бағдарламада, ал 13 қараша күні сағат 19:00-де (Қазақстан уақытымен) еркін бағдарламада өнер көрсетеді.
Еске сала кетейік, 2023 жылдың тамыз айында ресейлік мәнерлеп сырғанаушы Софья Самоделкинаның Қазақстан атынан өнер көрсететіні белгілі болды. 2024 жылдың шілдесінде ол алғаш рет Қазақстан чемпионы атағына ие болды. 9 тамызда экс-ресейлік спортшы Қазақстан құрамасына ресми түрде қосылғанын мәлімдеді.
ММА
Бүгін 14:48
