Сыйластық тілі: Иэн Гэрри жекпе-жектен кейін Шавкатқа қазақ тілінде алғыс айтты
UFC 310 турнирінің қатысушылары Иэн мен Шавкат медиакампания барысында бір-біріне құрмет көрсетті. Жекпе-жектен кейін ирландиялық спортшы Иэн Гэрри Шавкат Рахмоновқа қазақ тілінде үн қатты.
Өзінің хабарламасында Иэн Гэрри Шавкаттың батылдығын ерекше атап өтті және жекпе-жек үшін тәуекелге барғанына құрмет білдірді:
“Шавкат, сен бұл жекпе-жекті қабылдадың, ал қабылдамай, чемпиондық белбеу мүмкіндігіңді тәуекелге салмауға болар еді. Бұл шешімің мен талантың үшін саған тек құрмет! Құттықтаймын, мен сені қайтадан көретін уақытты асыға күтемін - сіз де, мен де кімнің қауіптірек жауынгер екенін білеміз”
Иэн Гэрри кейін осы жазбасын қазақ тілінде қайталап, тағы да Шавкатты жеңісімен құттықтады:
“Сізді және таланттарыңызды құрметтеуден басқа ештеңем жоқ. Құттықтаймын, мен сені қайтадан көретін уақытты асыға күтемін - сіз де, мен де кімнің қауіптірек жауынгер екенін білеміз".
Еске сала кетейік, UFC 310 жекпе-жегі толық бес раундқа созылып, төрешілер шешімімен Шавкат Рахмоновтың жеңісімен аяқталды. Бұл Рахмоновтың (19-0) мансабындағы алғашқы шешім бойынша жеңісі болса, Гэрри (15-1) алғаш рет жеңіліске ұшырады.
Хоккей
Бүгін 11:39