Шавкат РАХМОНОВ: “UFC 310 турнирінде кез келгенімен жекпе-жекке шығуға дайынмын”

Басқа спорт түрлері 01 қара 2024 02:29

Марлен Аманов

sports24 сарапшы

Аралас жекпе-жектен қазақстандық файтер Шавкат Рахмонов UFC чемпионы Белал Мухаммадпен жекпе-жегі өтпейтіні туралы жағдайдан кейін пікір білдірді.

Ол жартылай орта салмақтағы UFC чемпионына қатысты жазба жариялады.

“Белалдың тезірек сауығып кетуіне тілектеспін. Амандық болса, сен 100% жазылған кезде жолығамыз. Ал әзірге мен уақытша титул үшін UFC 310 турнирінде кез келгенімен жекпе-жекке шығуға дайын отырмын”, - деп жазды Рахмонов.

Бұған дейін Белал Мухаммад пен Шавкат Рахмонов маңызды жекпе-жек үшін желтоқсан айының 7-і күні айқасуы тиіс болған. Бұл сын АҚШ-тың Лас-Вегас қаласында UFC 310 турнирі ретінде қарастырылған еді.

Алайда Белалдың денсаулығына байланысты бас тартуы бұл сынды кейінге ысырып отыр. Бірақ жекпе-жек өтпейтін болды.