Серікбай Неғмет Астанада өткен самбодан вице-әлем чемпионы атанды

Басқа спорт түрлері 10 қара 2024 22:53

Аружан Темірбек

sports24 сарапшы

Қазақстандық самбошы Серікбай Неғмет Астанада өтіп жатқан Әлем чемпионатында күміс жүлдені иеленді.

27 жастағы спортшы спорттық самбода 71 килограмм салмақ дәрежесінде екінші орынды қанжығасына байлады. 1/16 финалда Негмет Литваның өкілі Вилиус Саснаускасты 2:0 есебімен жеңіп, 1/8 финалда моңғолдық Херлен Ганболдтан 4:0 есебімен басым түсті. Ширек финалда ол тәжірибелі тәжік спортшысы Мухаммадисо Раджабовты 5:4 есебімен жеңсе, жартылай финалда Беларусьтен келген Владислав Саяпинді 5:1 есебімен тізе бүктірді.

Финалдық кездесуде Серікбай Неғмет грузин самбошысы Элизбар Туркияға есе жіберіп, күміс медальді еншіледі.

Әлем чемпионаты 8-10 қараша аралығында Жақсылық Үшкемпіров атындағы жекпе-жек сарайында өтіп, 470 спортшыны жинады.